"OS RESENTIDOS" VOLVEN 30 ANOS DESPOIS

Foi a primeiros dos anos 80 cando, no marco da chamada "movida viguesa", xurdiu o primeiro grupo de rock que empregou e popularizou o galego nas súas composicións. Hoxe resúltanos estraño e case exótico oír unha canción en galego nas emisoras de radio xeneralistas. Pois ben, daquela Os resentidos chegaron a ser uns auténticos supervendas e o seu tema "Galicia caníbal" escoitouse nas ondas, non só en Galiza, senón tamén no resto do estado. Un precedente que deu lugar máis adiante ao "rock bravú", ao que se engancharon un feixe de grupos que tamén compuñan en galego. Actualmente, por fortuna, contamos cun amplo abano de intérpretes na nosa lingua e, dalgún xeito, debémosllelo, como non, aos resentidos.
O seu concerto de retorno terá lugar en Ourense o 12 de maio.

I CONCURSO DE COPLAS DE ENTROIDO

Por primeira vez, e agardemos que non por última, o Equipo G convoca un concurso de coplas de entroido. Que é iso? Pois trátase de composicións satíricas cuxo obxectivo é facer rir, aludindo a diversos aspectos da actualidade (a crise, a corrupción nos políticos, a televisión, etc.)
Para que nos fagamos unha idea, expoñemos a continuación o procedemento e as bases provisionais do concurso.

Procedemento:
1.    Escollede a música dunha canción coñecida por todos.
2.    Cambiádelle a letra por unha de elaboración propia.
3.    Interpretade a nova canción no salón de actos.

Bases:
1.    Poderá participar calquera alumno/a matriculado no centro.
2.    Admítese a participación individual ou en grupo, ata un máximo de 5 compoñentes.
3.    A interpretación das coplas terá lugar o venres 17 de febreiro e non poderá superar os 4 minutos.
4.    O(s) participante(s) entregaranlle ao xurado unha copia escrita da letra que presentan.
5.    O premio á mellor composición, determinada polo xurado, consistirá nun vale de 35 € para consumicións na cafetaría do centro.

Un simpático exemplo de coplas de entroido son as da comparsa Animodo, de Domaio: Disfrutádeo:

VIDEOPARABÉNS

Este ano no Equipo G pensamos en felicitar as festas á nosa maneira. A ver que vos parece (podedes votar na enquisa da marxe).

"INTROS" PARA "COUSAS NOSAS TV"

Grazas ao estupendo traballo dos alumnos de informática de 4º ESO, xa contamos con varias presentacións ou "intros" para o noso proxecto de televisión (Cousas Nosas TV). Visualizade cada unha delas e votade a que máis vos guste na enquisa da marxe (tamén está incluída a que emitiamos ata agora).
1.

2.

3. 

4.

 5.

6.

7.

8.

9.

10.

11.

12.

 

Unha lingua, un labor

Non paga a pena explicar como cheguei ata aquí; o realmente importante son as razóns que me levaron a colaborar cunha actividade tan importante como a normalización da nosa lingua. Este labor, ten un valor non só lingüístico, senón tamén persoal, posto que cun mínimo esforzo todos podemos contribuír a recuperar o bilingüismo que foi en decadencia nos últimos anos. Anímadevos a colaborar connosco rapaces!

Por que me metín no equipo G?

Ola, rapaces e rapazas, hoxe vouvos contar o motivo polo que eu me metín no equipo G. A min o ano pasado faláranme deste acontecemento, pero eu non lle fixera moito caso, entón decidín meterme este ano por probar cousas novas. Estou moi contenta de estar aquí e espero pasalo xenial.

-Bicos.

OS MEDIOS EN GALEGO IMPORTAN. Ensaio sobre a retranca

Nun ano no que vimos desaparecer A Nosa Terra, Galicia Hoxe, Xornal de Galicia, A Peneira... (seguro que me queda algún), rir un pouco (aínda que sexa de nós mesmos) non nos vén mal. Iso é o que temos que facer logo de ver e escoitar a este auténtico showman chamado Carlos Blanco, usando un dos nosos recursos máis característicos: a retranca. A ver se a súa/nosa reivindicación serve de algo.